MTOTO WA MIAKA MINNE AWAAMBIA MAGAIDI WA WESTGATE KUWA NI WABAYA

Mtoto wa miaka minne ambaye ni raia wa Uingereza, Elliott Prior ameonyesha ushujaa wa hali ya juu baada ya kuweza kuwatolea maneno makali na ya kugusa magaidi waliovamia jengo la maduka la Westgate.

MATOKEO YA KOMBE LA CAPITAL ONE ROUND YA TATU 25/09/2013

MANCHESTER UNITED 1-O LIVERPOOL

 

BIRMINGHAM 3-1 SWANSEA

 

NEWCASTLE 2-O LEEDS

 

TRANMERE O-2 STOKE CITY

 

WEST BROM 1-1 ARSENAL

WAZIRI PINDA APOKELEWA KWA MABANGO KWA BABU LOLIONDO

“Wananchi wanataka amani kwani migogoro imeshasababisha vifo na mali nyingi kupotea sasa tunataka amani,"

Wakazi wa Kata ya Samunge, wilayani Ngorongoro Mkoa wa Arusha, jana walimpokea Waziri Mkuu, Mizengo Pinda kwa mabango wakiomba Serikali iligawe Jimbo la Ngorongoro na ikomeshe mapigano ya kikabila.

TETEMEKO LA ARDHI LAUA WATU 270 PAKISTAN

Zaidi ya watu 300 wamejeruhiwa

Tetemeko kubwa la ardhi limewauwa watu 270 katika mkoa wa Kusini Magharibi wa Balochistan nchini Pakistan.

Tetemeko hilo la kipimo cha 7.7-lilipiga Jumaanne alasiri . Nyumba nyingi zilibomolewa na watu wengi walipaswa kulala nje

Baada ya tetemeko hilo ,kisiwa kidogo kiliibuka nje ya mwambao karibu na bandari ya Gwadar.

Watu walikusanyika ufukweni kushuhudia kisiwa hicho kipya ambacho kinakadiriwa kua na urefu wa mita 200 na upana wa mita 100 na kiinuka mita 20 kutoka upeo wa bahari .

Balochistan ndio mkoa mkubwa wa Pakistan lakini ukiwa na watu wakaazi wachache kupita yote

Eneo hilo hukumbwa na mitetemeko ya mara kwa mara na mnamo mwezi wa Aprili watu 35 waliuwawa katika tetemeko ambalo kitovu chake kilikua Kusini Mashariki mwa Iran mnamo mwezi wa April

Tetemeko hilo lilikua la nguvu hata watu wa miji iliyo mbali ya Karachi, Hyderabad, na mji mkuu wa India, Delhi walihisi mtikisiko wake.

Vijiji vizima inaarifiwa vilifyekwa katika wilaya ya wakaazi masikini ya Awaran

Msemaji wa serikali ya Balochistan, Jan Buledi, amesema waliopatwa na maafa zaidi ni katika mji wa Awaran na vijiji vinavyouzingira na ameonya idadi ya vifo huenda ikaongezeka. Takriban watu 340 wamejeruhiwa.

Msemaji huyo amesema kuna ukosefu mkubwa wa huduma za matibabu na hospitali hazina nafasi za kutosha kuwatibu majeruhi .

Alisema helikopta zinawasafirisha majeruhi mahututi hadi mjini Karachi na wengine wanahudumiwa katika wilaya jirani.

Jeshi la Pakistan lilikua miongoni mwa makundi ya kwanza kutoa msaada kwa kua tayari limekua huko miaka kadhaa sasa kwa sababu ya uasi wa watu wanaotaka kujitenga kwa mkoa huo wa Balochistan.

Jeshi limesema limetuma zaidi ya wanajeshi 200 , wana matibabu na mahema kutoka mji mkuu wa mkoa huo Quetta, lakini shughuli za uokozi zinatatizwa kwa hali ya milima ya eneo hilo.

SHAMBULIO LA WASTGATE LAATHIRI MASHINDANO YA MAGONGO

Mashindano ya magongo 

Mashindano ya magongo kwa mataifa ya Afrika yaliyopangiwa kuanza Alhamisi wiki hii mjini Nairobi huenda yakaahirishwa kutokana na mkasa wa jumba la Westgate lililovamiwa na magaida wa Al Shabaab, na zaidi ya watu sitini kuuawa

Mwenyekiti wa chama cha mchezo wa magongo cha Kenya Nashon Randiak anasema shirikisho la kimataifa,FIH, lina wasiwasi kuhusu usalama wa wachezaji mjini Nairobi baada ya magaidi wa Al Shabaab kulivamia jengo la kibiashara la Westgate jijini Nairobi.

Licha ya Randiak kuwaeleza kwamba hali sasa ni shwari baada ya magaidi wote kuuwa na wanajeshi wa Kenya shirikisho la kimataifa limesema linataka mkuu wa polisi nchini Kenya kuwahakikisha usalama wa wachezaji.

Randiak ameshangazwa na msimamo huo akisema mashambulizi ya magaidi hutokea kote duniani hivyo anashangaa ni kwanini hili la Kenya linachukuliwa ni kama la kipekee..

Mataifa yanayotarajiwa kushiriki kwa wanaume ni Kenya, Ghana na Afrika Kusini na kwa wanawake ni Kenya, Tanzania,Ghana na Afrika Kusini. Timu ya Tanzania ikiongozwa na katibu wa chama cha magongo mkoa wa Dar es salaam Mnonda Magani tayari imeshawasili mjini Nairobi.

Timu ambazo zimejiondoa kwa sababu mbali mbali na sio hiyo ya Westgate ni pamoja na Nigeria, Namibia, Misri na Ushelisheli.