SOMA VICHWA VYA MAGAZETI YA LEO HAPA

 

 

 

 

 

 

 

 

 

 

 

 

 

 

 

 

 

 

 

 

 

AFRIKA KATIKA PICHA

 

Shabiki wa Tunisia aliyejipaka rangi ashauriana na mtani wake wa Cameroon baada ya mechi jijini Younde huko Cameroon.

Ilikua ni mechi ya marudiano ya kufuzu kwa kombe la dunia ambapo timu ya “the Lions” walishinda kwa mabao 4-1 na kujikatia tikiti ya kushiriki kombe la dunia mwaka ujao nchini Brazil. Kulikua na karamu na sherehe baadaye mjini Younde.

Algeria pia walijikatia tikiti kucheza Brazil baada ya kucheza mechi ya marudiano, awamu ya pili siku ya jumanne kwa kuilaza Burkina Faso bao 1-0 ,ambayo ilikua furaha kwa mashabiki katika mji mkuu wa Algiers.

Kulikua na mvua mkubwa Afrika Kusini Magharibi mwa mkoa wa Cape wikendi na kusababisha mafuriko sehemu kadhaa. Matofali yaliyotengenezwa yanavunjika pakiwa na maji mengi

Maonyesho ya kudumu ya nyaraka kuhusu maisha ya Nelson Mandela yalifunguliwa siku ya jumatatu katika kituo cha makumbusho cha Nelson Mandela jijini Johannesberg. Hivi ni vitabu vya Nelson Mandela alivyokuwa navyo gerezani katika kisiwa cha Robben alikokua amefungwa kwa juhudi zake za kupinga ubaguzi wa rangi. Aliachiliwa baada ya miaka 27, mwaka wa 1990 na kuwa rais wa kwanza wa nchi hiyo kuchaguliwa kwa miaka nne kupitia democrasia

Rais wa Zimbabwe Robert Mugabe na mkewe Grace wahudhuria sherehe ya mahafali ya binti wao Bona katika chuo kuku huko Singapore Jumamosi. 

Pia Jumanne,kijana mmoja katika soko la Gorongosa katikati mwa Msumbiji anajikinga kwa kutumia mwavuli. 

Siku iliyopita, mwandamanaji nchini Tunisia avaa bereti na beji inayoonyesha picha ya aliyekuwa kiongozi wa Iraq Saddam Hussein,wakati wa maandamano dhidi ya muungano wa kiislamu unaoongozwa na chama tawala cha muungano katika mji mkuu Tunis.

Siku hio,vijana wawili wadogo wanalima shamba lililoko kando ya barabara kuu inayounganisha jiji kuu la Mogadishu na Baido lililo karibu na shamba lenye rotuba karibu na Afgoye inayojulikana kwa mavuno bora nchini Somali

Walinzi wa Somal, wakishika doria katika fuo za bahari mjini Bosasso, katika eneo lililojitenga na Somalia la Puntland

 Katika kijiji kimoja Kaskazini mwa Kenya ,kijana asimama kando kando na fahali aliyenona kabla ya kuwasilishwa kwa kamishna mkuu wa Uingereza kutoka kwa jamii ya Wasamburu ya Nanuyak kama zawadi ili kusheherekea kuzaliwa kwa mwana mfalme George Mwakani.

Mji mkuu wa Kenya Nairobi uliandaa maonyesho ya magari siku ya Jumapili,huku gari aina ya Peugeot 203 ya mwaka 1959 ikiwemo kati ya ya magari 70 kwenye maonyesho katika uwanja wa mashindano wa Ngong.

Kijana mmoja katika jiji kuu la Mali Bamako,ajaribu kuyagonga mapera kutoka kwa mti siku ya jumatano. Uchaguzi wa kiubunge utafanyika nchini humo jumapili.

BABU SEYA NA MWANAE MAISHA YAO YOTE JELA

 

Nguza Viking na mtoto wake Papii wakitoka mahakamani

Mahakama ya Rufaa nchini Tanzania imetupilia mbali ombi la warufani wawili Nguza Viking na mwanaye, ambao waliomba mahakama hiyo kufanya marejeo ya uamuzi wake wa awali wa kuwapata na hatia kama ambavyo hukumu dhidi yao ilivyotolewa na mahakama ya Hakimu Mkazi Kisutu mwaka 2004.

Nguza Viking, maarufu kama Babu Seya na watoto wake watatu walihukumiwa kifungo cha maisha jela kwa makosa ya kubaka na kulawiti watoto.
Mwaka 2010, rufaa yao ilisikilizwa katika Mahakama ya Rufaa, na kuwaachia huru Nguza Mashine na Francis Nguza baada ya kuwaona hawana hatia katika makosa yote waliyoshitakiwa.
Baada ya rufaa hiyo, Babu Seya na mwanaye Papii Kocha walipatikana na hatia na hivyo kuendelea kutumikia adhabu ya kifungo cha maisha jela.
Tarehe 30 Oktoba mwaka huu, Mahakama ya Rufaa iliyoketi chini ya jopo la majaji watu, likiongozwa na Nathalia Kimaro, akisaidiana na Mbarouk Mbarouk na Salum Masati walisikiliza hoja za pande zote kuhusu ombi la kufanyika mapitio ya uamuzi wa awali wa mahakama hiyo.
Alhamisi, Mahakama ya Rufaa baada ya kufanya mapitio ikiwa imeketi chini ya majaji watatu, imeendelea kuwaona warufani hao wawili kuwa na hatia na hivyo kuendelea kutumikia adhabu yao.
Upande wa utetezi ukiongozwa na wakili wao Mabere Marando uliomba kupitiwa upya kwa uamuzi huo, ukidai kuwepo kasoro katika ushahidi uliowatia hatiani, ikiwemo kukosekana kwa mashahidi muhimu katika kesi hiyo.
Majaji walisema kuwa kuna uthibitisho kuwa warufani hao wawili waliwabaka watoto wa shule ya msingi mwaka 2003.
Kesi hiyo imewashtua mashabiki wa mwanamuziki Viking nchini Tanzania na kanda nzima ya Afrika Mashariki.
Mwanamuziki huyo mwenye kuimba nyimbo za Rhumba, ambaye ni mzaliwa wa DRC, ameishi Tanzania kwa miaka mingi na kuwa na mashabiki wengi.
Mwandishi wa BBC Ben Mwang'onda mjini Dar es Salaam anasema kuwa Nguza Viking na mtoto wake Johnson Nguza maarufu kama Papii Kocha ambaye pia ni mwanamuziki, walifika mahakamani hapo kusikiliza hatma yao.
Walionekana kuwa watulivu wakati majaji walipotupilia mbali ombi lao kutaka hukumu yao kubatilishwa.
Walihukumiwa kwa kuwabaka wasichana 10 wa shule ya msingi waliokuwa kati ya umri wa miaka sita na nane wote waliokuwa katika shule ya msingi ya Mashujaa wilayani Kinondoni mjini Dar es Salaam.
Wakili wa muimbaji huyo alisema kuwa mwanamuziki huyo hana matumaini tena ya kupewa rufaa kwani hili ndilo ombi lake la mwisho.
 

MWATHIRIWA WA UBAKAJI AKAMATWA SOMALIA

 

Sio mara ya kwanza kwa mwathiriwa wa ubakaji kukamatwa baada ya kusimulia yaliomkumba Somalia

Msichana mmoja amekamatwa mjini Mogadishu Somalia, baada ya kusimulia kituo kimoja cha redio nchini humo kuhusu alivyobakwa na watu waliomtishia kwa bunduki.

Mwandishi aliyemhoji msichana huyo mwenye umri wa miaka 19 pia amezuiliwa.
Umoja wa Mataifa unataka uchunguzi ufanywe kuhusu madai hayo ukiwema kuwa unapiga darubini uhuru wa vyommbo vya habari na ambavyo serikali itachunguza kisa hiki.
Serikali ya Somalia inasema kuwa lazima haki itendeke.
Mapema mwaka huu , mwathiriwa mmoja wa ubakaji pamoja na mwandishi wa habari walifungwa jela mwaka mmoja ingawa waliachiliwa baadaye kutokana na uamuzi wa kesi ya rufaa.
Ubakaji na waandishi wa habari wanaoripoti visa vya ubakaji au dhuluma nyinginezo za kingono, ni mada ambayo huhofiwa kuzungumziwa nchini Somalia na kesi hii ndio ya hivi karubui kuhusu polisi kumkamata mwathiri wa ubakaji pamoja na mwandishi habari aliyemhoji.
Msichana huyo aliambia kituo cha redio cha Shabelle, kuwa alibakwa na waandishi habari wenzake wawili wakiwa akiwa ameshikiliwa bunduki.
"mmoja alinitishia kwa bunduki na kunipeleka chumbani kwa nguvu , na kunivamia huku akinivunjia heshima yangu, '' msichana huyo alinukuliwa na shirika la habari la AFP akisema katika video kwenye mtandao wa Redio Shabelle.
"ninaomba serikali kuchukua hatua dhidi ya wabakaji hawa, huenda wamewatendea unyama huu wasichana wengine wasio na uwezo wa kujitetea,'' alisema msichana huyo.
Video hiyo imepeperushwa kwenye mitandao mingine ya habari nchini humo.
Polisi walimkamata mwanamke huyo pamoja na mwandishi wa habari Mohamed Bashir Hashi, aliyemhoji pamoja na mkuu wa idhaa ya Redio Shabelle Abdulmalik Yusuf.
Hakuna hata mshukiwa mmoja, aliyetuhumiwa amechukuliwa hatua za kisheria.
Hata hivyo serikali ya Somalia imesema kuwa ubakaji na dhuluma dhidi ya wanawake ni mambo ambayo hayaruhusiwi hata kidogo, ingawa haikutamka chochote kuhusiana na kesi hii.
 

MAGAZETI YA LEO 21.11.2013