HIVI NDIVYO HAYATI NELSON MANDELA ALIVYOAGWA

 

Ngozi iliyofunikwa jeneza la Mandela kama ishara ya umuhimu wa Mandela katika jamii ya watu wa Thembu

Kuambatana na tamaduni za watu wa Thembu ukoo wa Mandela, jeneza la mfu hufunikwa kwa ngozi ya Ng'ombe ishara ya umuhimu wake katika jamii 

Waliokuwa wake za Mandela walikesha usiku kucha kabla mazishi kufanyika leo

Wageni mashuhuri walifika hapa kumuaga Mandela akiwemo Oprah Winfrey na Richard Branson na wengi wangineo

 Ukumbi huu maalum ulijengwa kwa ajili ya kufanya maombi kabla ya mazishi ya Mandela 

Msafara wa wanajeshi waliosindikiza jeneza la Mandela 

Wanajeshi hawa walisindikiza jeneza la Mandela hadi katika ukumbi maalum ambako ibada ya kumuaga Mandela ilifanyika 

 

NB niataendelea kukuhabarisha kinachoendelea

visit www.mwalyegoalex.blogspot.com

MTAALAMU WA LUGHA YA ALAMA AFRIKA KUSINI AZUA KIZAA ZAA

 

Thamsanqa Dyantyi mtafsiri wa lugha za ishara anayelalamikiwa

Serikali ya Afrika Kusini imesema kampuni iliyomtoa mtafsiri wa lugha za ishara wakati wa ibada ya kumbu kumbu kifo cha Nelson Mandela imekuwa akidanganya kwa miaka mingi na imekuwa itoa watafsiri wenye kiwango cha chini.

Wataalamu wa lugha za ishara wamesema mtafsiri huyo wa lugha za ishara, Thamsanqa Dyanty, alikuwa "akitapatapa" wakati wa ibada hiyo siku ya jumanne.
Naibu Waziri wa Afrika Kusini Hendrietta Bogopane - Zulu amesema hakuna suala lolote la kukiuka taratibu za kiusalama wakati mtafsiri huyo alipokuwa akisimama kwani alikuwa na vibali halali.
Katika maoni yake mtafsiri huyo anayelalamikiwa, Bwana Dyanty , amesema alipatwa ugonjwa wa kuchanganyikiwa.
Kwa upande wake mmiliki wa kampuni iliyomtoa mtafsiri huyo ametupilia mbali madai ya Naibu waziri Bogopane Zulu.
Awali Naibu Waziri huyo aliwaomba radhi jamii ya viziwi kwa kiwango cha chini cha kutafsiri kilichofanywa na Bwana Dyantyi kutoka kampuni ya SA Interpreters.
"Mtafsiri huyo anazungumza lugha ya Xhosa hivyo kiingereza kulikuwa kigumu sana kwake," alisema Waziri huyo.

UHABA WA MABASI STENDI YA UBUNGO UNATISHIA MAISHA YA WASAFIRI

HAWA NI BAADHI YA WASAFIRI WAKIWA HAWAELEWI NINI HATIMA YA SAFARI YAO HII LEO

TAZAMA YANAYOENDELEA AFRIKA KUSINI

 

Mwili wa Mandela ukisindikizwa na polisi Afrika Kusini

Mwili wa hayati Nelson Mandela umewekwa katika jengo la Union ambako aliapishwa wakati aliingia mamlakani mwaka 1994.

Jeneza lake likiwa limefunikwa bendera ya taifa , lilipitishwa kwa umma likisindikizwa na msafara wa magari na pikipiki.
Wanajeshi waliobeba jeneza hilo walisonga hatua kwa hatua hadi katika Majengo ya union eneo alikoapishwa kuwa rais wa kwanza mzalendo wa Afrika kusini 1994.
Mwili huo sasa utaweza kutizamwana wageni mashuhuri pamoja na wananchi wa kawaida.
Wageni hata hivyo hawaruhusiwa kupiga picha.
Mwili wa Mandela utawekw akatika hali hiyo kwa siku tatu zijazo hadi atakapozikwa Jumapili.
Leo jioni wasanii mbali mbali wa Afrika Kusini watashiriki katika tamasha maalum la kumuenzi Mandela na ambalo wananchji wataruhusiwa kuhudhuria bila malipo.

HAYATI MANDELA AFANYIWA IBADA MAALUM

 

Melfu ya watu nchini Afrika Kusini walijiunga na zaidi ya viongozi 90 wa dunia kwa ibada maalu ya hayati Nelson Mandela.

Ibada hiyo ilifanyika katika uwanja wa michezo wa FNB mjini Johannesburg

Rais wa Marekani Barack Obama alisema kuwa Mandela ameifunza dunia umuhimu wa kutenda badala ya kusema sana pamoja na umuhimu kwa kuwa na mawazo mazuri ingawa ya kutenda. 

Alipoondoka ukumbini, Rais Obama aliamkuana na Rais wa Cuba, Raul Castro ishara kubwa sana kati ya marais wa nchi hizo mbili ambazo zimekuwa zikizozana kwa zaidi ya nusu karne

Mandela alifariki Alhamisi iliyopita, akiwa na umri wa miaka 95. Nchi hiyo imeandaa shughuli mbali mbali za kumuenzi Mandela kabla ya kuzikwa Jumapili.

Aliyekuwa anaendesha hafla hiyo Cyril Ramaphosa alisema kuwa safari ndefu ya Mandela imekamilika na sasa anaweza kupumzika

Askofu mkuu wa Afrika Kusini Desmond Tutu,mmoja wa waliopigana vita dhidi ya ubaguzi wa rangi, alisema Mandela alikuwa mtu wa kupatanisha watu pindi alipoondoka gerezani. 'Tumepata afueni kuwa matatizo yake ya kiafya yamekwisha' alisema Tutu

Ibada hii ilikuwa moja ya mkusanyiko mkubwa wa viongozi wa dunia kushuhudiwa hivi karibuni. Katika hotuba yake , katibu mkuu wa Umoja wa mataifa Ban ki Moon, alisema kuna huzuni tele kwa umma kumpoteza Mandela

Kulikuwa na hofu kuwa watu wangeamrishwa kurejea nyumbani , lakini mvua kubwa ilisababisha sehemu za uwanja kuwa bila watu

Mjane wa Mandela Graca Machel, alishangiliwa sana alipoonyeshwa kwenye skirini kubwa akiingia uwanjani

Pia kulikuwa na shangwe na vigelegele huku watu wakiimba Winnie Winnie Madikizela Mandela aliyekuwa mkewe Mandela. Alimpa pambaja na kumbusu Graca

Hata hivyo Rais Jacob Zuma alizomewa mara kwa mara ilipokuwa zamu yake kuhutubia wananchi. 

Tangu kifo cha Mandela mji wa Johannesburg umekuwa ukishuhudia mvua lakini hiyo haikuwakatiza tamaa wananchi waliofurika uwanja wa michezo wa FNB 

Umati wa watu uliimba na kucheza kama ishara ya kuenzi maisha ya Mandela 

Ambao hawakuweza kufika uwanjani waliiona ibada hiyo kwenye televisheini zao nyumbani kote nchini Afrika Kusini 

Mandela atazikwa siku ya Jumapili tarehe 15

Katibu mkuu wa UN, Ban Ki Moon , Rais Barack Obama na Jacob Zuma

Zaidi ya maraisa tisini wameungana na wananchi wa Afrika Kusini katika misa ya wafu ya Nelson Mandela na kusimulia kumbukumbu zao kwa Shujaa huyo wa Afrika.

Akiongea kwenye mkusanyiko huo mjini Soweto, Rais wa Marekani Barack Obama alimtaja Mandela kuwa shujaa na mkombozi wa Afrika na shujaa shupavu kuwahi kuonekana katika karne ya ishirini.
Alisema maisha ya Mandela lazima yawe mfano mzuri kwa dunia nzima hasa vita alivyopigania kuhakikisha utu wa watu unaheshimiwa.
Jamaa za Mandela wamemtaja baba yao Mandela kama mtu aliyetaka watu kuwa sawa.
Mmoja wa wajukuu wa Mandela alikariri shahiri la kusisitiza mshikimano wa watu. Obama alishangiliwa ingawa Rais Jacob Zuma anayehutubia wananchi alizomewa mara kwa mara.
Uwanja ambako misa hiyo inafanyika, haukujaa watu kutokana na mvbua kubwa iliyonyesha.
Maelfu ya watu wamehudhuria misa hiyo katika uwanja wa FNB.
Afrika Kusini imeandaa shughuli mbali mbali za kumuenzi Mandela kabla ya siku ya kuzikwa kwake nchini Afrika Kusini siku ya Jumapili.
Misa ya leo ni moja ya mikusanyiko mikubwa ya viongozi wa kimataifa iliyoshuhudiwa nchini humo katika miaka ya hivi karibuni.
Viongozi wengine Watakaohudhuria misa ya wafu ya Mandela:
Watu wengi walikaidi hali mbaya ya hewa ambapo mvua kubwa imenyesha huku wakikusanyika uwanjani humo wakisubiri kwa muda mrefu kabla ya misa hiyo kuanza muda mfupi uliopita.
Waliohudhuria misa hiyo wamesemekana kuwa wenye furaha wakiimba nyimbo na kutaja jina la Mandela kwa shangwe unaweza kudhani ni mkutano wa kisiasa.
Misa hiyo itafanyika katika uwanja ambako Nelson Mandela alionekana kwa mara ya mwisho hadharani.
Misa hiyo itaonyeshwa kwenye skrini kubwa nje ya uwanja ili kuzuia msongamano wa watu.
Mandela alifariki akiwa na umri wa miaka 95 na kwa wengi yeye ni shujaa na mkombozi wa Afrika Kusini.