SOMA VICHWA VYA MAGAZETI YA LEO HAPA

 

 

 

 

 

 

 

HILI NDILO BUNGE LA KATIBA LA TANZANIA

TUKIO KATIKA PICHA: TAZAMA WABUNGE WALIVYOPIGWA BUTWAA JANA KATIKA BUNGE MAALUM LA KATIBA

Mjumbe wa Bunge Maalum la Katiba, Halima Mdee, ambaye pia ni Mbunge wa Jimbo la Kawe (CHADEMA), akiwa haamini kinachoendelea kwenye ukumbi wa bunge wakati wajumbe wa bunge hilo walipocharuka jana na hivyo kumlazimisha mwenyekiti wa muda wa bunge hilo Pandu Ameir Kificho, kuliahirisha kwa muda ili kuepusha uchafuzi zaidi wa "Hali ya Hewa"

Halima Mdee akibadilisha style za "mishangao" wakati "Sinema" ya bure ikiendelea

Mbuneg MosesMachali

Christophe Ole Sendeka, naye hakuwa nyuma kwenye "sheshelumbe" la Jana Alhamisi Machi 6, 2014

BUNGE maalum la Katiba, Jana Alhamisi Machi 6, 2014, liligeuka uwanja wa “Mapambano” kama ile vita iliyotikisa ulimwengu, vita ya Kosovo kule eneo la Balkan.

Hata hivyo sio mapambano ya ngumi bali Majibishano makali yalizuka wakati wajumbe wakiendelea kujadili kanuni zitakazokuwa dira ya kuliongoza bunge hilo maalum, ambalo linaketi pale “mjengoni” kwenye ukumbi wa Bunge la Tanzania mjini Dodoma.

Mwenyekiti wa muda wa Bunge hilo, Pandu Ameir Kificho, alilazimika kuliahirisha bunge hilo kwa takriban masaa manne, baada ya sintofahamu iliyohanikiza ukumbi huo unaochukua takriban watu 700.

Malumbano hayo yalikuwa ni kati ya wajumbe na mwenyekiti wakati mwingine wajumbe kwa wajumbe, picha kadhaa zilizopigwa na waandishi wa habari wakati sakata hilo likiendelea, zinaonyesha, wajumbe kama vile, Christopher Ole Sendeka, Waziri wa sheria na katiba wa Zanzibar, Abubakar Khamisi Bakari,Moses Machali na wajumbe wengine kadhaa, wakitoa maneno makali dhidi yao wao wenyewe na wakati mwingine wakimtuhumu mzee Kificho kwa upendeleo.

Baadhi ya wajumbe wa bunge hilo, kama Halima Mdee, kuna wakati alionekana akiwa ameshikwa na butwaa asiamini kinachoendelea ukumbini.

Kasheshe hizo zinajiri huku wajumbe hao wakiwa hata kuapishwa bado, na wachambuzi wa mambo wanabashiri kuwa hata mpango wa Ikulu wa kutaka hotuba ya uzinduzi wa bunge hilo kufanyika wiki hii huenda usifanikiwe kwani hata uchaguzi wa mwenyekiti bado kufanyika na kazi ya kuapisha wajumbe hao zaidi ya 600 huenda ikachukua hadi siku tatu.

Hebu muone uyu naye.....

Waziri Mkuu, Mizengo Pinda(Katikati) na wazito wengine, wakimsikiliza Katibu wa Bunge, Thomas Kashilila baada ya kutokea kizaa zaa

Wajumbe wa bunge maalum la Katiba, wakitoka ukumbini baada ya kuahirishwa kwa muda kufuatia sintofahamu iliyotokea

Waziri wa Sheria na Katiba wa Zanzibar, Abubakar Khamis Bakari..
KAZI IPO KWA KWELI KAMA MAMBO YENYEWE NDIO HAYA

HUYU NDIYO CHATU ALIYEWEZA KUPIGANA NA KUMSHINDA MAMBA NA KUMMEZA KABISA HIKO AUSTRALIA

 

Nyoka huyo alijipinda kwa Mamba na kumbana hadi akafa

Chatu ameshinda vita vikali dhidi ya Mamba Kaskazini mwa mji wa QueensLand, kupigana na Mamba, kumpinda na kisha kumla.

Tukio hilo lilishuhudiwa katika ziwa Moondarra, karibu na mlima Isa na kunaswa kwa kamera na wakazi wa eneo hilo siku ya Jumapili.
Nyoka huyo mwenye urefu wa futi 10, alijipinda kwa Mamba na kuanza kupambana naye majini.
Hatimaye, Nyoka huyo alifanikiwa kumshinda Mamba na kumtoa nje ya maji na kisha kumla.

Nyoka alimvuta Mamba na kumtoa ndani ya Maji

Chatu huyo alianza kumla Mamba na kushangaza wakazi

Baada ya mlo huo mkubwa Nyoka alijiendea zake

Tiffany Corlis,mkazi wa eneo hilo, alishuhudia pambano hilo na kupiga picha hizi.
"lilikuwa jambo la ajabu sana, '' aliambia BBC
"Tulimuona Nyoka akipambana na Mamba , alifanikiwa kumbana mamba hasa katika sehemu ya miguu ili kumdhibiti.''
"Pambano lilianzia ndani ya maji. Mamba alikuwa anajaribu kuweka kichwa chake juu ya maji wakati mmoja ingawa Nyoka alikuwa amembana sana.''
"Baada ya Mamba kufa Nyoka alijikunjua, na kuja mbele ya Mamba huyo na kuanza kumla,'' alisema Tifanny.
Bwana Corlis alisema kuwa ilimchukua nyoka muda wa robo saa kumla mamba huyo.
''Bila shaka Nyoka huyo alishiba vyema, na hatujui alikokwenda, baada ya mlo wake,'' alisema mama huyo ambaye hakutaka kusuburi kumuona Nyoka tena.
Mtu mwingine aliyeshuhudia pambano hilo Alyce Rosenthal, alisema kuwa wanyama hao wawili walipambana kwa karibu saa 5. Hatimaye wote walionekana wachovu.

ENDELEA KUTEMBELEA BLOG HII KWA MATUKIO ZAIDI

IJUE AFRIKA KWA MATUKIO MBALIMBALI KATIKA PICHA

 

Maelfu ya wakimbizi ambao wamekuwa wakitoroka nchi ya Sudan Kusini kutokana na vita nchini humo wamehamia Uganda. Mpigaji Picha, Fredric Noy, anayefaifanyia kazi Idara ya wakimbizi ya Umoja wa mataifa, anatumia picha, kufarisia maisha ya ukimbizi ya Atem Angang na familia yake.

Mji wa Bor alimokuwa anaishi Matiop Atem Angang ndilo lililokuwa la kwanza kudhibitiwa na waasi pindi vita vilipozuka Sudan Kusini mnamo Desemba 15. Yeye pamoja na familia yake kubwa ya watu 15, akiwemo mamake wa miaka 95, watoto wake sita pamoja na familia ya dadake walitoroka kutoka nchini humo.

 Bor, mji mkuu wa Jimbo la Jonglei, umekuwa chini ya udhibiti ambao umekuwa ukibadilika kati ya waasi, na serikali mara kwa mara, na imewaacha watu wengi wakiwa wamepoteza maisha. Tangu makubaliano ya kusitisha mapigano kuafikiwa Januari, pande hizo mbili zimekuwa zikilaumiana. Familia ya Bw. Angang imesafiri kwa muda wa wiki moja kwa kutumia dau na lori ili kufika Uganda. 

Mpakani, walipelekwa kwa kituo cha Shirika la Umoja wa Kimataifa linalotetea haki za kibinaadam lililoko Adjumani, kaskazini mwa nchi hiyo. Wananchi wengi wa Sudan Kusini wanatoroka nchi hiyo, na hii imekifanya kituo hicho kujaa wakimbizi wapya kila uchao. Umoja wa mataifa unasema kuwa takriban watu 860,000 wametoroka kutoka Sudan Kusini tangu kuibuka kwa vita nchini humo.

Lori linalowasafirisha wakimbizi kutoka Sudan, akiwemo Bw. Angang na familia yake, linavuka daraja kabla ya kufika kituo cha uhamiaji cha Dzaipi. Lori hizo husafiri hadi mara nne kwa siku kati ya mipakani na kituo hicho cha uhamiaji.

Maafisa wa Uganda wanajaribu kuondoa vifaa vya vita kutoka makao hayo, huku wakipekua vitu walivyonavyo wakimbizi wanaofika.

Mamake Angang’, Apiou Angar, ambaye ni mkongwe, anakutana na rafiki yake wa zamani wakiwa safarini. Bor, mji ambao ulikuwa unajivunia idadi ya watu 25,000, sasa umebaki mtupu.

"Hii familia ina bahati sana ikilinganishwa na zile ambazo itabidi zingoje kwa majuma mawili ili ziweze kuhama na kuenda kuanza maisha mapya katika makao mageni,” hii ni kulingana na Shirika la kutetea haki za kibinaadam la Umoja wa mataifa. Bw. Angang amepiga hema (kulia) kutumia vifaa alivyobeba kutoka Bor. 

Famililia hii haijazoea makali ya baridi nyakati za usiku, ila walivumilia. Asubuhi ilipofika, akisaidiwa na mkalimani, Bw. Angang aliweza kuisajili familia yake na Shirika la msalaba mwekundu la Uganda.

Baada ya kulala chini ya hema ambayo haiwezi kuwakinga kutokana na makali ya baridi kwa siku mbili, watoto wake wanakuwa wagonjwa. Katika kituo cha afya kilichoko karibu, wahudumu wa afya nchini humo wamekuwa wakiwahudumia wagonjwa kwa masaa 12 kutokana na uongezekaji wa idadi ya wakimbizi

Mpwa wa Bw. Angang ambaye ana miezi sita, Nyalet Deng, anachunguzwa na daktari wa kiliniki inayopata ufadhili kutoka kwa shirika la Medicines Sans Frontieres (MSF) iwapo anaugua utapiamlo. 

Baada ya siku tatu katika kituo cha uhamiaji, familia hiyo inawasili katika makao ya Nyumanzi-mahala ambapo watapaita nyumbani pindi watakavyoendelea kuishi Uganda.

Wakati ambapo Bw. Angang na familia yake inangoja kando ya barabara kupewa kipande cha ardhi, wanapiga hema itakayowasaidia kujikinga dhidi ya makali ya jua la mchana.

Bw. Angang anaugua malaria, na sasa itambidi bintiye wa miaka 18 kuendea chakula cha mwezi cha familia hiyo kutoka kwa Shirika la chakula duniani. Familia nzima ya Bw. Angang inangoja kwa matumaini iwapo majadialiano ya kusitisha vita nchini Sudan Kusini kati ya serikali na waasi mjini Addis Ababa, Ethiopia,yatavuna matunda. 

 

MSAFARA WA MBITA KWA PICHA NA BBC SEMA KENYA

 

Mbita ni moja wapo wa miji inayozingira Ziwa Victoria.

Timu ya Sema Kenya ilifika huko kuhamasisha wenyeji kujiunga na mijadala ya utawala katika kipindi kila wiki.

Msafara huu uliwafikia wengi.

Wakazi mbalimbali walijitokeza kusikiliza habari.

Walipata nafasi ya kujadili masuala tofauti inayowahusu kama wakazi wa Mbita.

Wakazi wa Mbita walipata burudani na habari kutoka timu ya Sema Kenya walipozuru mji huo katika msafara.