BBC SEMA KENYA YAFANYA KWELI...SHUHUDIA KATIKA PICHA

Walioshiriki mjadala wa BBC Sema Kenya katika kaunti ya Laikipia.

 

 

 

 

 

 

 

 

Mjadala huu ulimulika umilikaji wa mashamba, na maendeleo ya wenyeji wa kaunti ya Laikipia.

Hiki ni kipindi cha mjadala na ambacho hupeperushwa kupitia redio, televisheni na kwenye tovuti.
Kipindi hiki kinazuru maeneo tofauti ya nchi, lengo likiwa ni kuwapa wananchi fursa ya kuelezea hoja zao, kupata taarifa na kushiriki katika mjadala wa kitaifa.
Tangu kilipozinduliwa mwaka jana, Kipindi cha Sema Kenya kimefaulu kuandaa mijadala mikali iliojumuisha wananchi ikiangazia masuala ya usalama, mihadarati, ukabila, ugatuzi, ugavi wa ardhi na marekebisho ya sheria za ugavi wa ardhi.
Watu wanaweza kushiriki katika mazungumzo haya ya kitaifa kupitia tovuti ya BBC, mitandao ya kijamii ya Facebook na Twitter.
Aidha, njia nyingine Sema Kenya inawafikia wananchi ni kupitia mashirika ya kijamii ambayo kipindi hiki kinashirikiana nao.
Mtindo wa Sema Kenya:
Lugha: Sema Kenya inaendeshwa kwa lugha ya Kiswahili.
Utafiti: Sema Kenya inategemea utafiti wa kina kufanikisha makala haya.
Wanaoshiriki: Kinahusisha watu wa tabaka mbalimbali; vijana kwa wazee, wanawake na wawakilishi wa vikundi maalum.
Huwaleta pamoja wananchi na viongozi wao: Wananchi wa kawaida na jamii zilizotengwa wanapata fursa ya kuwahoji viongozi wao.
Mada ya mjadala huamuliwa na washiriki katika kipindi hiki.
Haibagui, haipendelei na inashirikisha kila moja kupitia redio na kwenye tovuti.
Mjadala huendelea kwenye mtandao wakati kipindi kikiwa hewani hata baada ya kutia tamati kwenye redio.
Sikiliza na ushiriki kwa Sema Kenya
Televisheni: KBC kila Jumapili saa kumi na mbili jioni
Redio: Idhaa ya Dunia ya BBC (Nairobi 93.9FM, Mombasa 88.1FM) kila Jumapili saa saba alasiri.
 

AFRIKA NA MATUKIO KATIKA PICHA

Washidani katika mashindano ya mwanadada mrembo zaidi ya Miss Jacaranda nchini Zimbabwe wakionyesha hapa viatu vyao tayari kwa kutembea kwa madaha ukumbini

 

Mjini Moscow Miss Tanzaia 2013 Betty Omara hapa anaonekana akirembwa kabla ya kupigwa picha. Shindano la mwanamke mrembo zaidi ulimwenguni litafanyika nchini Urusi mwezi Novemba ,9

Hapa wanamitindo wa kiume wakiwa mjini Lagos wakishiriki onyesho la mitindo 

Vijana wanadansi wa Nigeria wanaojulikana kama Space Unlimited wanashiriki mashindano ya kimataifa ya wakali wa Breakdance nchini Ujerumani siku ya Jumamosi

Siku ya Alhamisi kijana huyu alionekana mjini Mogadishu akiwabeba Samaki kutoka baharini katika eneo la Hamarweyne, si mavuno hayo?

Papa Francis hapa anaonekana akiongea na Chantelle Biya mke wa Rais wa Cameroon wakati alipokutana naye mjini Vatican siku ya Ijumaa

Mwanamke huyu alikuwa nchini Tunisia na hapa anaonekana akiweka alama ya moyo kwenye ngao ya polisi wakati wa maandamano siku ya Jumatano mjini Tunis

Hii ni DVD yenye filamu kuhusu shambulizi la Westgate inayouzwa na mchuuzi mjini Nairobi. Watu 67 waliuawa na mamia ya wengine kujeruhiwa kwenye mashambulizi ya kigaidi dhidi ya jengo la Westgate mwezi jana. Kundi la Alshabaab lilikiri kufanya shambulizi hilo. 

Hawa ni wanajeshi wanawake wa Kenya wakiwa katika uwanja wa kitaifa wa Nyayo wakati wa sherehe za kuwakumbuka mashujaa wa Kenya 

Wacheza soka wa Morocco, wanasherehekea baada ya kuingiza bao katika mechi waliyoshinda dhidi ya Croatia siku ya Ijumaa kwa mababo 3-1 

Mjini Antananrivo, kijana huyu anaonekana akiuza vifagio 

Katika mji huohuo, mtoto huyu alipigwa picha akiwa nyuma na ndizi zilizo katika kibanda cha babake cha kufanyia biashara kabla ya kufanyika uchaguzi mkuu

Watu mjini Zwedru Liberia, wanapeperusha bendera ya Ivory Coast, huku rais wa nchi hiyo Alassane Ouattara na mwenzake wa Liberia Ellen Johnson Sirleaf wakihudhuria mkutano wa viongozi wa kijamii siku ya Jumamosi. Liberia ni nyumbani kwa wakimbizi zaidi ya 62,000 wa Ivory Coast waliotoroka ghasia za baada ya uchaguzi mwaka 2010

USIKOSE WIKI IJAO